US is able to defeat China on South China Sea War despite China’s Navy troops in Cambodia

វិភាគ-អាមេរិកអាចឈ្នះចិនក្នុងសង្រ្គាមសមុទ្រចិនខាងត្បូង បើសិនជាចិនមានមូលដ្ឋានទ័ពនៅកម្ពុជា

នៅប៉ុន្មានថ្ងៃចុងក្រោយនេះ សង្រ្គាមចិត្តសាស្ត្ររបស់អាមេរិក បានវាយសំពងខ្លាំងក្លាលើកម្ពុជានិងចិន ដែលចោទថា កម្ពុជា ទៅថ្ងៃខាងមុខនេះ នឹងក្លាយជាទីតាំងមួយសម្រាប់កងទ័ពចិនឈរជើង ដើម្បីត្រៀមធ្វើសង្រ្គាមសមុទ្រចិនខាងត្បូងបើមានសង្រ្គាមផ្ទុះឡើង។ ក្រុងវ៉ាស៊ីនតោនសង្ស័យថាមិនយូរទេ កំពង់ផែនទ័ពជើងទឹករាមនៅខេត្តព្រះសីហនុនៅភាគនិរតីនៃប្រទេសកម្ពុជាដែលកំពុងស្ថាបនានេះនឹងក្លាយជាមូលដ្ឋានកងទ័ពជើងទឹកចិន។ កាសែតអាមេរិកThe Wall Street Journal ដែលជាសារព័ត៌មានស៊ើបអង្កេតរបស់អាមេរិកបានស្រង់សម្ដីចារកម្មអាមេរិកម្នាក់មកចុះផ្សាយកាលពីថ្មីៗនេះថា ដីតំបន់រាមនិងកំពង់ផែសមុទ្ររាមនេះនឹងជួលអោយចិនរយះពេល៣០ឆ្នាំ។សារព័ត៌មាននេះបានចុះផ្សាយទៀតថាកំពង់ផែរាមមិនត្រឹមជាទីតាំងទ័ពជើងទឹកចិនប៉ុណ្ណោះទេតែគឺជាទីតាំងអាចចុះយន្ដហោះចិនបានរាប់សិបគ្រឿងទៀតផង។តែបែបនេះក្ដីរដ្ឋាភិបាលកម្ពុជាបានទាត់ចោលការចុះរបាយការណ៍របស់សារព័ត៌មានមួយនេះហើយចាត់ទុកថាជារឿងប្រឌិតសុទ្ធសាធ។កាលពីថ្ងៃទី២៦កក្កដាក្រសួងការពារជាតិកម្ពុជារួមនិងអង្គភាពអ្នកនាំពាក្យរាជរដ្ឋាភិបាលបាននាំអ្នកសារព័ត៌មានជាង៧០នាក់ជាក្រុមអ្នកសារព័ត៌មានក្នុងស្រុកបានចុះទៅពិនិត្យមើលទីតាំងនៅកំពង់ផែរាមដែលអាមេរិកចោទថាកំពុងប្រែក្លាយជាមូលដ្ឋានទ័ពជើងទឹករបស់ចិន។ក្នុងដំណើរស្វែងរកការពិតនេះអ្នកនាំពាក្យក្រសួងការពារជាតិក៏ដូចជាអ្នកនាំពាក្យរាជរដ្ឋាភិបាលត្រូវបានអ្នកសារព័ត៌មានចោទសួរជាច្រើនប៉ុន្ដែមន្ដ្រីកម្ពុជារូបនេះបានបញ្ជាក់ប្រាប់ថាទីនេះគឺគ្មានកងទ័ពចិនដូចមន្ដ្រីអាមេរិកចោទនោះទេ។តែយ៉ាងណាអ្នកសារព័ត៌មានខ្លះបានចោទជាសំណួរចំៗហើយអ្នកនាំពាក្យក៏ឆ្លើយមិនចំដែរ។អ្នកសារព័ត៌មានវីអូអេនិយាយថាទីតាំងមួយចំនួនមិនត្រូវបានអនុញ្ញាតឲ្យចូលឬទៅដល់នោះទេ។នេះនាំឲ្យមានការសង្ស័យនៅតែមាន។យ៉ាងណាក៏ដោយគេហទំព័រWashington Examiner ចុះផ្សាយនូវការវិភាគរបស់ខ្លួនដោយស្រង់ទិន្នន័យមួយចំនួនមកធ្វើការផ្ទៀងផ្ទាត់ហើយអះអាងថាបើសង្គ្រាមសមុទ្រចិនខាងត្បូងផ្ទុះឡើងរវាងចិននិងអាមេរិកគឺអាមេរិកអាចនឹងឈ្នះលើកងទ័ពចិន។តើកត្តាអ្វីខ្លះដែលសារព័ត៌មានបរទេសមួយនេះចុះផ្សាយដូចនេះ។យើងសូមស្រង់សម្រង់ដើមខ្លះៗមកធ្វើការឆ្លុះបញ្ចាំងដែលមានដូចតទៅ៖

កំពង់ផែរាម,សមុទ្រចិន,ចិន,នាវាចំបាំង,កម្ពុជា,ខ្មែរ,វិភាគ,សង្គ្រាម,អាមេរិក,ថៃ,វៀតណាម,ហ្វីលីពីន,